POLA Louseira i a Toca
por Valorqueira i o Castro
seguindo o antigo rastro
por onde o Norte emboca.
Ver a Casa do Señor
que desfigurada morre
a da eirexa por torre
a do dobre mirador.
E volta para o Cebreiro
á ermida que foi mosteiro.
DE cara a Triacastela
polo cimeiro vial
por Liñares i o Hospital.
E se a terra tremela
derregar para Louzarela.
E por Gondriz a Parada
por Padrocelos i a Pedra
rubir e ver como medra
ver do cimo a rodeada.
IR a Santiago de Compostela
non sin antes por Lugo pasar
ou sin logo por Lugo tornar.
Ir co-ela A Elba
e vela como era leve azafrán
entre laranxa e cera.
ANDAR a Muralla i a Praza Maior
cimo ó fondo do fondo ó cimo. Escoitar
nos ollos o oculto rumor
de tapados desmandes.
Ir a Catedral:
O Grialcontino! O labrado Coro!
E ver rezardiante dos Ollos Grandes.
E se hai tempo e fai bon
e se acai a estación
-bourear de estorniños-
o Mapa d-Auga o Estanque dos Ciños
o loro o pavo real do Parque modernista
e a vista dende o Mirador:
o río o val i a ponte o gris-Grandíono último monte.
Lucus Augusti
ROMANA i episcopal
a antiga capital
na rota nova daquela
tirada dende ou cara ela
cara Brácara i Emérita
sin pensar de ser pretérita.
CARTAS estelas mosaicos
os torques d-ouro do mouro
o alumado tesouro
os topónimos galaicos
os orixes neboentos
dólmenes i enterramentos
os restos tódolos rastros
!ei Viladonga! dos castros.
Río Miño vai caladiño Verbo antigo.
ONDE a auga nace quente
desperta o río silente…
Todo o que en ollos se daba
enosollos se quedaba
LUGO Madrid e Compostela
son cada unha a miña cidade
e Quiroga e Monforte a miña vila
i ésta máis sin afán de distinguila
polo grande corro de amistade.
Fernando de Tor Roberto Andrade
i aquel aquel aquel aquela
aquela aquela aquela aquel.
Levanto a copa por el
levanto a copa por ela
ate sacala porriba do tempo.